०६ माघ २०७७, मंगलबार
Close
बिज्ञापन
लुम्बिनी प्रदेशका १४ सहित ४० सहकारीले पाए ‘प्रोबेसन ब्राण्ड’

जनता बुलेटिन शनिबार, मंसिर ०६, २०७७ मा प्रकाशित

featured photo: Janata Bulletin

६ मंसिर, बुटवल । लुम्बिनी प्रदेशका १४ सहित ६ वटा प्रदेशका ४० वटा सहकारीले पूर्ण तथा व्यवसायिक साकोस विकास कार्यक्रम (प्रोबेशन) ब्राण्ड प्राप्त गरेका छन् ।

लुम्बिनी प्रदेश र बागमती प्रदेशबाट सबैभन्दा धेरै १४–१४ वटा सहकारीले यो ब्राण्ड पाएका हुन् । यस्तै गण्डकी प्रदेशका ५, कर्णालीका ३, प्रदेश १ का ३ र प्रदेश २ का एउटा सहकारीले यो ब्राण्ड पाउन सफल भएका छन् । सुदूर पश्चिम प्रदेशबाट कुनै पनि सहकारीले यो ब्राण्ड पाउन सकेनन् ।

नेपालस्तरको यो ब्राण्ड देशभरका १४ हजार बढी वचत तथा ऋण सहकारी संस्थाहरुमध्ये उत्कृष्ट सहकारीहरुलाई सहकारी विभाग र राष्ट्रिय सहकारी संघले हरेक वर्ष दिँदै आएको छ ।

यो ब्राण्डका लागि विभिन्न ५० वटा सूचक राखिएका छन् । तीमध्ये सबैभन्दा महत्वपूर्ण दुई सूचकहरु ऋण ५ प्रतिशतभन्दा बढी भाका नाघेमा र संस्थागत कोष ५ प्रतिशतभन्दा कम भएमा त्यस्ता सहकारी यो ब्रान्ड पाउँदैनन् ।

सहकारीहरुको दिगो विकास, व्यावसायीकरण र गुणस्तर सुनिश्चितताका लागि यो कार्यक्रम सञ्चालन हुँदै आएको छ । लुम्बिनी प्रदेशबाट प्रोबेसन ब्राण्ड पाउने सहकारीहरुमा रुपन्देहीबाट देवदहको कोलिय, तिलोत्तमाको जनउत्थान र सामूहिक विकास तथा बुटवलको नमूना महिला विकास रहेका छन् ।

यस्तै प्युठानको फूलबारी, नवलपरासी पश्चिबाट लुम्बिनी, सयपत्री र हाम्रो सुपर सहकारी रहेका छन् ।

गुल्मीको लेकाली, दाङको महाप्रभु, बर्दियाको सिको र हाम्रो मध्यवर्ती राधाकृष्ण तथा कपिलवस्तुको सिनर्जी सहकारीले प्रोबेसन ब्राण्ड प्राप्त गरेका छन् ।

बागमती प्रदेशबाट काठमाठौंका ऐचोपैंचो र ज्ञानज्योति महिला उत्थान, दोलखाका एकीकृत फ्रेण्डसिप, जनमुखी, शिक्षक कल्याण, मकवानपुरका महिला अभियान, महिला जनचेतना, महिला मिलन, सक्रिय महिला, धादिङको श्रोत परिचालन, चितवनको लोक कल्याणकारी, भक्तपुरको सामूहिक र रामेछापको नवजागरण सहकारीले प्रोबेसन ब्राण्ड प्राप्त गरेका छन् ।

गण्डकी प्रदेशमा कास्कीको जनसेवा, नवलपरासी पूर्वका नवप्रगति पृथ्वी र परोपकार तथा गोरखाको सप्तकोशी र भिमकुलले यो ब्राण्ड पाएका छन् ।

प्रदेश १ को मोरङका लेटाङ, गछिया र सुन्दरपुर, कर्णाली प्रदेशको सुर्खेतका गंगामाला स्वावलम्बन, ग्रामीण र शिखर तथा प्रदेश २ को रौतहटको नव विकास वचत तथा ऋण सहकारीले प्रोबेसन ब्राण्ड पाएका छन् ।

गत वर्ष ३४ सहकारीले यो ब्राण्ड पाएकामा यो वर्ष ६ वटा थप भएका हुन् । यसअघिसम्म सहकारी विभाग र नेफ्स्कूनले संयुक्त रुपमा ब्राण्ड प्रदान गर्दै आएकोमा यस वर्ष राष्ट्रिय सहकारी संघले संघको २९ औं वार्षिक साधारणसभाका अवसरमा ब्राण्ड वितरण गरेको हो ।

सम्बन्धित

Click Here

About

यो वेवसाइट Www.Janatabulletin.com को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

हाम्रो टिम

          प्रबन्ध निर्देशक : शारदा मरासिनी (सरु)

  •   सम्पादक : रन्जु पाण्डे
  • बजार : जिबन न्यौपाने
  • समाचार : छाया पन्थ 
  • बिक्रम पाण्डे
  • सुजन न्यौपाने
  • बाशुदेव पोख्रेल

    बिशेष आभार  : राजेन्द्र बेल्बासे
    बिशाल बेल्बासे , योगेश भुसाल

सम्पर्क

  • संपर्क : जनता बुलेटिन
  • तिनपा २ रुपन्देही :
  • मोवाइल न 9826459916
    विज्ञापनका लागी सम्पर्क :- 9826459916
  • ईमेल : [email protected]