०२ माघ २०७७, शुक्रबार
Close
बिज्ञापन
यस वर्षको एसईई पनि अन्याेलमै

जनता बुलेटिन सोमबार, मंसिर २९, २०७७ मा प्रकाशित

featured photo: Janata Bulletin

काठमाण्डाै – यस वर्षको माध्यमिक शिक्षा परीक्षा (एसईई) कसरी सञ्चालन गर्ने भन्नेबारे विद्यार्थी, शिक्षक र अभिभावकबीच अन्याेल सिर्जना भएको छ ।

राष्ट्रिय परीक्षा बोर्डले एसईई कहिले र कसरी गर्ने भन्ने विषयमा सरकारले टुंगो लगाउन नसक्दा अन्याेलकाे अवस्था सिर्जना भएकाे जनाएकाे हाे ।

कोरोना महामारीका कारण सरकारले २०७६ सालको एसईई परीक्षा विद्यालयहरुलाई नै आन्तरिक मूल्याङ्कनका आधारमा गर्न जिम्मा दिएको थियो ।

शिक्षा मन्त्रालयले यस वर्षदेखि परीक्षाबारे शिक्षा ऐनले टुंगो लगाउने भने पनि कानुन नबन्दा परीक्षा बोर्ड, प्रदेश शिक्षा निर्देशनालय वा विद्यालय कसले गर्ने भन्ने टुंगो लाग्न बाँकी रहेको बोर्डले जनाएको छ ।

परीक्षा सञ्चालनका विषयमा टुंगो लगाउन मन्त्रालयसँग आग्रह गरेको र मन्त्रालयको निर्णय कुरेर बसेको बोर्डका अध्यक्ष प्रा.डा. चन्द्रमणि पौडेलले बताउनुभयो ।

मन्त्रालयको निर्णयकाे प्रतीक्षा गरिरहेकाले अरु तयारी गर्न बाँकी रहेको पनि उहाँले बताउनुभयो । एसईई परीक्षाबारे छिटो निर्णय गर्न मन्त्रालयलाई पत्र पठाइएको उहाँले जानकारी दिनुभयो ।

एसईईका लागि हरेक वर्षको असोज पहिलो हप्तासम्ममा कक्षा १० का विद्यार्थीले आवेदन फारम भरिसक्नु पर्ने हो । तर, यो वर्ष कोभिड-१९ का कारण मङ्सिर अन्तिमसम्म पनि आवेदन फाराम खुला गरिएको छैन।

शिक्षा मन्त्रालयले अघिल्लो वर्ष नै संघीय शिक्षा ऐनको विधेयकमा एसईई प्रादेशिक स्तरमा सञ्चालन गर्ने प्रस्ताव गरेको थियो । तर, शिक्षा ऐन नबन्दा यस वर्षको परीक्षा सञ्चालन कसले गर्ने भन्ने विषयमा थप अन्योल र जटिलता देखिएको छ ।

सम्बन्धित

Click Here

About

यो वेवसाइट Www.Janatabulletin.com को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

हाम्रो टिम

          प्रबन्ध निर्देशक : शारदा मरासिनी (सरु)

  •   सम्पादक : रन्जु पाण्डे
  • बजार : जिबन न्यौपाने
  • समाचार : छाया पन्थ 
  • बिक्रम पाण्डे
  • सुजन न्यौपाने
  • बाशुदेव पोख्रेल

    बिशेष आभार  : राजेन्द्र बेल्बासे
    बिशाल बेल्बासे , योगेश भुसाल

सम्पर्क

  • संपर्क : जनता बुलेटिन
  • तिनपा २ रुपन्देही :
  • मोवाइल न 9826459916
    विज्ञापनका लागी सम्पर्क :- 9826459916
  • ईमेल : [email protected]